Pas vdekjes së mikut dhe ish-lojtarit të Espanyol, Dani Jarque, kampioni i Barcelonës, Andres Iniesta, ka kaluar një moment të errët, një moment depresioni.
Mesfushori e ka përshkruar me këto fjalë të thëna për Rakuten TV atë moment të vështirë të jetës së tij: “Kaluan ditët dhe unë e kuptova se situata ime nuk po përmirësohej, nuk ndihesha mirë dhe nuk isha vetja ime”.
“Ishte gjithçka e errët, më dukej gjithçka e zezë. Kur kam mësuar për mikun tim, ka qenë si të merrja një grusht, një goditje shumë e fortë që më ka nxjerrë jashtë loje dhe më ka bërë të bie shumë poshtë. Nuk kam qenë aspak mirë”.