Te Lyoni ëndërrojnë - Bota Sot
Te Lyoni ëndërrojnë

Futboll

Te Lyoni ëndërrojnë

Më: 28 maj 2020 Në ora: 12:58
Te Lyoni ëndërrojnë

“Ëndrra ime është që Lacio të fitojë titullin kampion dhe ditën tjetër pas zhgënjimit, Juventusit t’i duhet të luajë me ne dhe t’i japim goditjen fatale”.

Është ky mendimi i Paolo Rongonit, përgatitësit atletik të Lionit. Bashkëpunëtori i trajnerit Rudi Garsia, por që në të kaluarën ka punuar si për Romën, ashtu sikurse për Lacion, shpreson që Juvja të vijë sa më e demoralizuar, sa më e sfilitur në ndeshjen e kthimit për 1/8-at e Ligës së Kampioneve, që kanë në program ndaj Lionit, ndonëse data është ende për t’u përcaktuar.

“Nëse Seria A rifillon, sigurisht që Juventusi do të vijë në ndeshjen e kthimit me këmbët më të karikuara, me mendjen më të kthjellët.

E dimë që e kemi fituar 1-0 ndeshjen e vajtjes, por e vetmja mundësi që kemi për të qenë më të sigurt për t’u kualifikuar në Champions, është që Juvja të vijë përballë nesh e demoralizuar nga humbja e titullit”.

Shfaq komentet
comments powered by Disqus
Sot mund të lexoni Shfletoni kopertinat