Real Madrid ka refuzuar 110 milionë euro - Bota Sot
Real Madrid ka refuzuar 110 milionë euro

Futboll

Real Madrid ka refuzuar 110 milionë euro

Më: 12 qershor 2020 Në ora: 15:39
Real Madrid ka refuzuar 110 milionë euro

Real Madridi nuk e ka ndërmend ta lë të lirë talentin brazilian Vinicius Junior.

Trajneri Zinedine Zidane beson shumë në aftësitë e brazilianit dhe i ka bërë të qartë klubit se nuk duhet të shitet.

Numri një i Real Madridit, Florentino Perez e ka refuzuar një ofertë të majme për brazilianin.

Ka qenë kampioni në fuqi i Francës, Paris Saint Germain që kanë tentuar transferimin e brazilianit, por oferta e tyre është hedhur poshtë nga Los Blancos.

PSG ka ofruar 110 milionë euro për Vinicius, por as kjo ofertë e majme e tyre nuk i ka bërë përshtypje Florentino Perezit që e ka refuzuar atë.

Mediet spanjolle që kanë raportuar se në rast se Reali dëshiron ta largojë Viniciusin, atëherë atë do ta bëjë në verën e vitit 2021.

Los Blancos synojnë që ta përfshijnë brazilianin në ofertë për Kylian Mbappen, gjë që do ta ulnin koston e transferimit të francezit.

19-vjeçari këtë edicion ka luajtur 28 ndeshje me Realin ku ka shënuar katër gola dhe ka bërë tre asistime.

Shfaq komentet
comments powered by Disqus
Sot mund të lexoni Shfletoni kopertinat