Keane: Jam i shokuar nga ai gol

Futboll

Keane: Jam i shokuar nga ai gol

Më: 20 qershor 2020 Në ora: 14:26
Keane: Jam i shokuar nga ai gol

Manchester United u kthye në veprim dje, për llogari të Premier League, edhe pse me një shije të hidhur. Është e vërtetë që skuadra nga “Old Trafford” mori një barazim të vlefshëm në shtëpi, ndaj një konkurenti të drejtpërdrejtë për zonën “Champions”, por mënyra se si erdhi goli i Tottenham ka hidhëruar shumë tifozë. Midis tyre është edhe ish-lojtari i “Djajve të Kuq”, Roy Keane, i cili zakonisht është i sinqertë me kritikat e tij. Sidoqoftë, ish-kapiteni shkoi një hap më larg, kur iu referua David de Gea. Shumëkush konsideron se portieri spanjoll mund të kishte bërë më shumë për të shmangur golin e “Spurs”.

Edhe Keane e llogarit veten mes tyre: “Jam i shokuar nga ai gol. Kam parë shumë futboll ndër vite dhe jam i zemëruar. Ky portier më bën të vuaj. Do të isha përleshur me të në fushë, do ta kisha mbytur me grushte.

Ai është një portier ndërkombëtar, por duhet të imponohet me personalitetin e vet në ndeshje. Unë nuk do t’i lejoja Maguire dhe De Gea të hipnin në autobus pas ndeshjes. Ata duhet t’i ulnin kokat e tyre, t’ju vijë turp. De Gea është portieri më i vlerësuar që kam parë prej një kohe të gjatë, nuk i lejohen të tilla gabime”.

Me barazimin kundër Tottenham të Mourinhos, “Djajtë e Kuq” mbeten në vendin e pestë, që vlen vetëm “Europa League”, ose dy pikë pas Chelsea të vendit të katërt, që përkthehet Champions, por me një lojë më shumë.

commentFirst article
Sot mund të lexoni Shfletoni kopertinat