Policia: Shpëtuam gjyqtarët nga sulmi i stafit të Prishtinës - Bota Sot
Policia: Shpëtuam gjyqtarët nga sulmi i stafit të Prishtinës

Futboll

Policia: Shpëtuam gjyqtarët nga sulmi i stafit të Prishtinës

Më: 9 korrik 2020 Në ora: 13:33
Policia: Shpëtuam gjyqtarët nga sulmi i stafit të Prishtinës

Kampionati i Kosovës në futboll tashmë ka hyrë në një fazë tejet të nxehtë dhe pothuajse vendimtare.

Këtë e dëshmoi edhe ndeshja e djeshme Gjilani – Prishtina, e cila u mbyll me turp, pasi disa lojtarë bardhekaltër përfunduan në Emergjencë në Spitalin e Gjilanit për shkak të gazit lotsjellës që morën nga policia.

Policia e Rajonit të Gjilanit ka dhënë detaje nga ai incident, ku të lënduar mbetën trajneri i Prishtinës Armend Dallku dhe futbollisti Labinot Ibrahimi, pasi u sulmua me sprej nga një zyrtar policor, duke përfunduar në spital.

“Më 08 korrik 2020, në stadiumin e qytetit në Gjilan, është zhvilluar ndeshja në mes të KF ‘Gjilani’ dhe KF ‘Prishtina’. Pas përfundimit të ndeshjes stafi i KF ‘Prishtina’ vërsulet në drejtim të referit kryesor dhe të tjerëve, pasi, sipas tyre, ishin të pakënaqur me referimin e tyre.

Oficerët policorë ndërhynë për të siguruar që të mos të sulmohen referët e ndeshjes dhe me këtë rast i dyshimti A.D. i fyen policët dhe tenton që edhe t’i sulmojë fizikisht.

Disa persona janë sjellë në stacionin policor dhe janë intervistuar në bazë të procedurave ligjore.

Për rastin është njoftuar prokurori i shtetit, i cili ka urdhëruar që ndaj njërit nga të dyshimtit, A. D., të hapet rast penal ‘Sulm ndaj personit zyrtar’ dhe rasti procedohet në procedurë të rregullt në Prokurorinë Themelore”, ka thënë për “Zeri.info” zëdhënësi i Policisë së Kosovës për Rajonin e Gjilanit, Ismet Hashani.

Shfaq komentet
comments powered by Disqus
Sot mund të lexoni Shfletoni kopertinat