Cristiano Ronaldo është shpallur mbrëmë kampion i Serie A, me skuadrën e Juventus.
Tri pikët e fituara kundër Sampdoria kanë bërë që Juventus edhe zyrtarisht të jetë kampion i Serie A.
Ky titull erdhi në një kohë shumë të vështirë dhe mund të konsiderohet si titull special, për shkak të situatës së krijuar nga pandemia Covid-19.
Lidhur me situatën është kujtuar edhe portugezi CR7, i cili madje ka një dedikim të veçantë të këtij triumfi. Ai ia dedikon titullin të gjithë tifozëve që po përballen me Covid-19.
“E kryer! Kampionë të Italisë. I kënaqur për titullin e dytë radhazi dhe kontributin në bërjen e historisë me këtë klub të madh”, ka shkruar Ronaldo në ‘Instagram’.
“Ky titull i dedikohet të gjithë tifozëve të Juventus, në veçanti atyre që kanë vuajtur dhe janë duke vuajtur nga pandemia që na ka goditur befas të gjithëve”, ka shtuar mes tjerash ylli i Juve.
Ronaldo këtë sezon ka shkuar tashmë në kuotën e 35 golave, duke gjetur rrjetën edhe mbrëmë.
