Mesfushori i Prishtinës, Endrit Krasniqi, mendon që skuadra e tij është favorite në finalen ndaj Ballkanit sot.
“Në ndeshje të tilla më shumë kryen punë përvoja e lojtarëve sepse është vetëm një ndeshje. Por, normal e kemi kualitetin”.
”Besoj që edhe Ballkani e ka kualitetin shumë të mirë. Por, mbetet të shihet se cili ekip do t’ia arrijë qëllimit”, deklaroi Krasniqi në “Super Sport Kosova”.
“Pa diskutim mendoj se Prishtina është më e mirë në të gjitha aspektet”, shtoi mesfushori.
Për Prishtinën kjo do të jetë finalja e 10-të jubilare, teksa e kërkon trofeun e 7-të dhe pjesëmarrjen e 4-të në Evropë.
Ndërkohë, Ballkani ndodhet për herë të parë në finale dhe synon që ta fitojë atë dhe të luaj në Evropë.
Ndeshja ndërmjet Prishtinës dhe Ballkanit nis nga ora 17:45.
Takimi do të zhvillohet pa prezencën e tifozëve.