Valon Berisha është njëri prej futbollistëve më cilësor që aktivizohet te Përfaqësuesja e Kosovës.
Berisha e kompletoi transferimin e tij te Reims në afatin kalimtar veror, nga Lazio, derisa edicionin e kaluar ishte i huazuar në Fortuna Dusseldorf.
Berisha që aktivizohet edhe te Përfaqësuesja e Kosovës, është ndër më të rëndësishmit te skuadra e Bernard Challandes.
Berisha në mes të tjerash ka folur edhe për mënyrën se si ai iu flet tjerëve për Kosovën.
"Kur flas për Kosovën, flas me shumë zemër, kam qenë kudo në botë, por si Kosova nuk ka. Mezi pres të vijnë pushimet e të jem në Kosovë", u shpreh Berisha.
"Kemi shumë energji në futboll. Ndryshe mendon dikush që jeton në Kosovë dhe ndryshe dikush që jeton jashtë vendit", tregoi ai.
