Filip Najdovski mund të quhet një futbollist i Tiranës, edhe pse zyrtarizimi nga kryeqytetasit nuk ka mbërritur ende. Ka qenë vet mbrojtësi, i cili mund të aktivizohet edhe në rolin e mesfushorit, që në një prononcim për “Infosport.mk”, ka pranuar marrëveshjen me 25-herë kampionët e Shqipërisë, teksa thekson se ka firmosur një kontratë dyvjeçare.
“Po, e vërtetë është që kam arritur marrëveshje me Tiranën. Pjesë e tyre do të jem në dy vitet në vazhdim.
Jam i kënaqur nga oferta dhe kushtet e ofruara, ashtu që besoj të kemi rezultate të mira”, u shpreh Najdovski.
27-vjeçari në sezonin e kaluar ishte pjesë e Vardarit në kampionatin e Maqedonisë së Veriut, ndërsa në ekipin e Tiranës do të gjejë edhe një tjetër element të Vardarit të vjetshëm, Toshevski.
