Kampioni i Kosovës, Drita, është eliminuar nga Liga e Kampionëve për edicionin 2020/21.
Lajmi është bërë i ditur nga UEFA, që ka njoftuar Dritën se ka humbur në tavolinë ndeshjen ndaj Linfield, 3:0.
Klubi nga Irlanda e Veriut ka publikuar një njoftim për shtyp pas vendimit të UEFA-s.
“Linfield e pranon dhe respekton vendimin e UEFA-s. Vëmendja e të gjithëve në klub është vetëm në ndeshjen kualifikuese ndaj Legias së Varshavës të martën më 18 gusht. Nuk do të ketë asnjë koment tjetër mbi ngjarjet e mbrëmjes së kaluar”, shkruan Linfield në faqen zyrtare.
