Eliminimi i Dritës me rezultat zyrtar 3:0 nga Champions League ka bërë jehonë edhe në shtetet e rajonit.
“Finalja e pardjeshme e turneut parakualifikues nuk u luajt, sepse dy lojtarë të Dritës ishin të infektuar me koronavirus, dhe autoritetet zvicerane urdhëruan që e gjithë skuadra të karantinohet.
Klubi bëri të ditur që UEFA ka vendosur t’i japë fitoren Linfield me rezultatin zyrtar 3:0”, shkruan Vijesti nga Mali i Zi.
Në një komunikatë, Drita shprehet se është e "zemëruar dhe thellësisht e zhgënjyer nga vendimi i UEFA-së", dhe se do të kërkojnë mbrojtje përmes mjeteve ligjore.
