Futbollisti argjentinas, Sergio Lopez, i ekipit nga Ekuadori, Aucas është dënuar me 1200 dollarë pas ndeshjes me Macara të premten e kaluar.
Shoqata e Futbollit e Ekuadorit e ka dënuar atë pasi që e puthi topin duke i shkelur në këtë mënyrë rregullat në parandalimin e përhapjes së koronavirusit.
Kampionati ekuadorian u pezullua për pesë muaj për shkak të pandemisë dhe që nga ajo kohë, pesë futbollistë janë dënuar për thyerjen e rregullave.
Ekuadori deri më tani ka pasur rreth 6,600 vdekje nga virusi korona, i cili ka infektuar 114,000 njerëz në vend.