Ka pasur shumë thashetheme se Messi do të kalojë në Inter, pasi që dorëzoi letrën ku kërkonte largim nga Barcelona.
Pas këtyre shkrimeve, që kanë vazhduar prej që Barcelona u deklasua nga Bayern Munich me rezultat 8-2, ka reaguar drejtori sportiv i Interit, Piero Ausilio.
“Ne nuk do ta blejmë Leo Messi. Nuk e di nga po vijnë këto thashetheme të çmendura”, ka thënë ai në një intervistë që po e zhvillon edhe momentalisht me Sky Sports.
Ausilio tjera fjalë ka pasur për Arturo Vidal, për të cilin thotë që ka mundësi që të vije në Inter.
“Ne e duam Arturo Vidal, kjo është e sigurt. Për momentin ai është lojtar i Barcelonës. Nëse ata e lënë të largohet me kushte të duhura, në do ta marrim në konsideratë për të nënshkruar më të”.
