Tottenham Hotspur është në negociata me Real Madridin për transferimin e Gareth Bale.
Përfaqësuesit e dy klubeve dhe agjenti i lojtarit, Jonathan Barnett, janë duke biseduar për një mundësi huazimi dhe të gjitha palët janë të interesuara që të arrihet marrëveshja.
Palët i kanë përafruar qëndrimet dhe Marca raporton se Spursat janë pajtuar që t’ia paguajnë rrogën e plotë uellsianit, ndërsa Realit do t’i mbeten që t’ia paguajë bonuset.
Bale nuk është pjesë e planeve të Zinedine Zidane dhe klubi dëshiron me çdo kusht që ta heqë nga lista e pagave.
Tottenhami, ish-klubi i tij, është vendi ideal, ku 31-vjeçari mund ta rikthejë namin e tij.
