Sot Gjilani dhe në përgjithësi sporti i Kosovës është tronditur me lajmin se ka ndërruar jetë Shukri Sylejmani-Shuka, ish kryetar i KF Gjilani dhe donator i madh në Gjeneratën e Republikës dhe në vitet e pasluftës.
“E nderuara familje Sylejmani, me pikëllim të thellë mësuam lajmin për vdekjen e më të dashurit tuaj, ish Presidentit dhe donatorit te KF Gjilani z. Shukri Sylejmani – Shuka.
Shuka ka dhënë kontribut të rëndësishëm në futbollin Gjilanas dhe atë Kosovar si një njeri i dashur dhe i urtë.
Në emër të klubit FC DRITA, ju shprehim ngushëllimet më të sinqerta familjes Sylejmani dhe gjithë futbolldashesve nga anamorava dhe mbar Kosova”, shkruan Drita.
