Andrea Pirlo e ka nisur me një fitore dhe një barazim aventurën e tij të parë si trajner në krye të Juventusit.
Në këtë sezon rivaliteti për titull në Serie A pritet të jetë akoma edhe më i nxehtë, për dy arsye shumë të thjeshtë, rivalët e Juves kanë ruajtur elementët më cilësorë të sezonit të kaluar janë forcuar në merkato dhe kanë fituar më shumë eksperiencë. Alex Del Piero i ka bërë thirrje Andrea Pirlos dhe Juventusit të kenë shumë kujdes nga Interi dhe Atalanta, pasi sipas ish-kapitenit të bardhezinjëve dy skuadrat zikaltër janë më të forta në këtë sezon.
“Sipas mendimit tim Atalanta dhe Interi janë kandidatë serioz për titullin kampion.
Bergamaskët kanë fituar pjekurinë e duhur dhe do të tregohen më të kujdesshëm këtë sezon. Tek Interi e pamë shumë mirë se çfarë do të thotë të kesh një stol të mirë. Pesë ndryshimet që Conte bëri i dhanë fitores. Ndërsa Lazio ka një ekip të mirë por ata janë të përqëndruar më shumë tek Kupa,” deklaron italiani për “Sky Sport Italia”.