Vedat Muriqi është përmirësuar fizikisht.
Lajme të mira vijnë për sulmuesin e Kosovës, Vedat Muriqi, pas miqësores së Lazios ndaj skuadrës së tyre të dytë.
Lazio luajti një testuese me skuadrën e të rinjve të Lazio, ku Vedat Muriqi luajti në fazën e sulmit në tandem me Felipe Caicedo.
Muriqi është dukur në gjendje të mirë fizike gjatë kësaj testuese.
Sipas ‘Corriere dello Sport’, Vedati do të jetë i gatshëm qysh për ndeshjen ndaj Sampdorias.
Muriqi pritet të marrë minutat e para në këtë ndeshje, pasur parasysh se Immobile do t’i mungojë skuadrës, pas kartonit të kuq.
Kujtojmë se Muriqi ka vuajtur gjatë nga një lëndim, i cili ia pamundësoi edhe grumbullimin me kombëtaren e Kosovës.