Jurgen Klopp tha që Atalanta është sfida më e madhe e Liverpoolit deri më tani në Ligën e Kampionëve.
Trajneri i Reds i ka përgatitur lojtarët e tij për një ndeshje të vështirë kundër një ekipi shumë të mirë-organizuar.
“Atalanta ka lojtarë shumë të mirë dhe të mirëorganizuar”, tha Klopp në një konferencë për shtyp.
“Ata përdorin aftësitë e individëve në mënyra tepër të zgjuara. Kjo është sfida më e madhe që kemi në Ligën e Kampionëve deri më tani. Atalanta është shumë skuadër e vështirë për t’u mposhtur. Ata kanë stil paksa të ngjashëm me Leeds. Do të jetë e vështirë”, përfundoi ai.
Vlen të theksohet se dueli mes Atalantas dhe Liverpoolit luhet nesër me fillim nga ora 21:00, në kuadër të fazës së grupeve të Ligës së Kampionëve.