Mesfushori i Everton, James Rodriguez, duket se ka rilindur dhe një herë tjetër që kur është transferuar në Premier League.
Këtë fakt e ka pranuar dhe trajneri i tij, Carlo Ancelotti, i cili e pranon se ai po vuante te Real Madrid.
“Fillimisht, James kërkonte një ekip ku mund të luante më shpesh në krahasim me Real Madridin. Kishte shumë kohë që nuk po e gjente më veten me madrilenët dhe kërkonte një sfidë të re. Ishte i dëshpëruar për të luajtur dhe mendoj se këtu ka gjetur vendin e duhur”, deklaron Ancelotti.
“Rodriguez është një lojtar i madh dhe tek Everton ai po e tregon këtë gjë. Ai më njeh mua dhe unë e njoh shumë mirë atë. Është një lojtar shumë i talentuar dhe nuk i mungon pothujase asgjë. Nuk luan aspak futboll të komplikuar, por të thjeshtë”, përfundon tekniku italian.