Sa vinë dhe shtohen rastet pozitive në futbollin evropian.
Gjatë ditës së sotme u raportuar se sulmuesi i Liverpoolit, Mohamed Salah është diagnostikuar me Covid 19, ndërkohë tani vjen lajmi se 12 futbollistë të klubit francez, Nice, kanë rezultuar pozitiv me koronavirus.
Federata franceze e futbollit ka njoftuar se ndeshja e Ligue 1 mes Marseille dhe Nice, e planifikuar të zhvillohet pas pushimit internacional me 21 nëntor, do të shtyher për një datë tjetër.
Protokolli i Ligës, i vërtetuar në fillim të Shtatorit, lejon që ndeshjet të mbahen për aq kohë sa 20 lojtarë nga tridhjetë, përfshirë një portier, të testohen negativë. Përndryshe, ndeshja nuk mund të mbahet.
