Kanë përfunduar dy takimet e mbrëmjes së sontme në kuadër të Ligës së Kombeve.
Belgjika ka triumfuar në shtëpi ndaj Danimarkës me rezultat 4:2, në përballjen ku Lukaku shënoi dy gola.
Me këtë fitore, Belgjika ndodhet në vendin e parë në grupin A2 me 15 pikë, tashmë e distancuar nga Danimarka që zë vendin e dytë me 10 pikë.
Në Sarajevë, Bosnja e Hercegovina është mposhtur nga Italia me rezultat të pastër 0:2, pas 90 minutave lojë.
Italia ndodhet në vendin e parë me 12 pikë në grupin A1, e ndjekur pas nga Holanda me një pikë më pak.