Antoine Griezmann ka goditur ish-agjentin e tij – pasi sulmuesi francez hodhi poshtë pretendimet e një përçarje midis shokëve të skuadrës së Barcelonës.
Në fillim të këtij muaji, ish-agjenti i Griezmann, Eric Olhats tha se Messi i kishte bërë jetën të vështirë Griezmannit që kur ai u bashkua me Barcelonën vitin e kaluar, përcjell GazetaBlic Sport.
Messi u kundërpërgjigj javën e kaluar, duke thënë se ishte lodhur duke u fajësuar për problemet në Barcelona dhe Griezmann tha se nuk mund të qëndronte më i heshtur për këtë çështje.
“Unë kam pa komente për një kohë të gjatë dhe tani është koha për t’i thënë mjaft”, tha Griezmann në Movistar.
“Agjentja ime është motra ime, por ajo nuk flet. As prindërit e mi. Ndërsa askush nuk flet, Eric ofron një mendim por kjo mund të bëjë shumë dëm dhe të krijojë dyshime në lidhje me marrëdhënien time me Leo. Messi e di që kam shumë respekt për të. Unë mësoj prej tij. Unë i thashë Leos se nuk kam asgjë me ta”, përfundoi ai.
