Trajneri i Dynamo Kiev, Mircea Lucescu, nuk ndihet veçanërisht i lehtësuar që Lionel Messi nuk do të luajë për Barcelonën kundër skuadrës së tij të martën në Ligën e Kampionëve, duke thënë se pavarësisht mungesës së tij në fushë, Barça mbetet ekip shumë i fortë.
Dynamo e pret Barcelonën sonte në stadiumin NSC Olimpiyskiy, për ndeshjen e xhiros së katërt në Grupin G.
Trajneri rumun theksoi para ndeshjes së pa Messin në fushë, Barcelona do të jetë më e fortë në mbrojtje, edhe pse katalonasit luajnë në një nivel tjetër kur argjentinasi starton.
“Barcelona është Barcelonë. Natyrisht se prania e Messit në fushë u jep atyre përparësi në sulm dhe në aspektin e aftësive”, tha Lucescu.
“Por mungesa e tij do t’i bëjë ata të luajnë më mirë në mbrojtje. Ne duam të fitojmë nesër. Për ne, fitorja është shumë më rëndësi”, shtoi ai.
