​Tuchel: Chelsea duhet t’i kishte 21 lojtarë në listë për ta fituar Topin e Artë

Futboll

​Tuchel: Chelsea duhet t’i kishte 21 lojtarë në listë për ta fituar Topin e Artë

Më: 16 tetor 2021 Në ora: 22:08
Thomas Tuchel

Thomas Tuchel pretendon se Chelsea duhet të ketë 21 lojtarë në listën e ngushtë për të fituar Topin e Artë dhe shton se paraqitja e portierit Eduard Mendy ishte mbreslënëse ndaj Brentfordit.

Mendy ishte i jashtëzakonshëm në ndeshjen ku kampionët e Evropës u kthyen në krye të Premier Ligës me një fitore të vështirë 1-0 të shtunën në mbrëmje.

Ai bëri një sërë pritjesh të klasit botëror dhe Tuchel pranoi se portieri i tij ishte diferenca në atë sfidë.

"Unë jam i lumtur dhe është më e rëndësishme që ai të performojë kështu," tha trajneri i Chelseat.

"Sot ne u mbështetëm shumë tek ai. Ai është fantastik dhe të gjithë janë aq të lumtur për të. "

Në vend që të mërzitej për faktin që Mendy u la jashtë listës së ngushtë prej 30 emrash potencial për t’u shpallur fitues të Topit të Artë, Tuchel këmbënguli se më shumë lojtarë të Chelseat duhej të ishin vlerësuar për arritjet e tyre në fitimin e Ligës së Kampionëve sezonin e kaluar.

Cesar Azpilicueta, N'Golo Kante, Jorginho, Mason Mount dhe Romelu Lukaku janë të nominuar të gjithë, por Tuchel, i cili ka hedhur poshtë vazhdimisht rëndësinë e çmimeve individuale, tha:

"Unë mendoj se ne mund të jemi në atë listë si një ekip i tërë sepse ne e fituam atë trofe si ekip. Nëse kemi pesë emra ose gjashtë emra, kam ndjenjën se e fituam me 21 emra dhe secili luajti rolin e tij. Kështu funksionon futbolli.", theksoi trajneri gjerman.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat