Fernandes në dyshim

Futboll

Fernandes në dyshim

Më: 22 tetor 2021 Në ora: 16:00
Fernandes në dyshim

Kur na ndajnë vetëm dy ditë nga dueli i shumëpritur i Premier League, mes Manchester United dhe Liverpool, tekniku i “djajve të kuq” Ole Gunnar Solskjaer është në telashe, pasi rrezikon të mos ketë në dispozicion lojtarin me rendimentin më të lartë, portugezin Bruno Fernandes.

Ky i fundit ka pësuar një dëmtim ndaj Atalantës dhe dje ka bërë pushim në qendrën stërvitore, ndërsa mjekët e skuadrës janë pesimistë për një rikuperim të tij para ndeshjes me “The reds”, e planifikuar për të dielën në orën 17:30.

E nëse gjithçka do të konfirmohet, atëherë do të jetë një telash me vete për Solskjaer, që do të duhet të vlerësojë tre opsionet e mundshme për të zëvendësuar Fernandes, i cili që prej transferimit në Manchester, është shndërruar një një pikë kyçe të formacionit të “djajve të kuq”.

Opsioni i parë është aktivizimi i Jese Lingard si fantazist, por edhe me lejen për të shpërthyer shpesh në krah, ku do të alternohej me Cristiano Ronaldon, pasi pikërisht roli i sulmuesit të krahut është ai ku 28-vjeçari jep më të mirën e tij.

Opsioni tjetër është t’i besojë Donny Van de Beek, që është edhe fantazist natyral dhe do të ishte zgjidhja më e logjikshme, por holandezi ka luajtur shumë pak dhe ekziston rreziku që të stonojë në një ndeshje mjaft të rëndësishme për Manchester United.

Opsioni i tretë dhe ndoshta më i mundshmi, është që Solskjaer të luajë me dy shkatërrues si McTominay e Fred dhe në vendin e Fernandes të aktivizojë Paul Pogba, i cili përveç fantazistit, do të jepte një ndihmë të madhe edhe në prishjen e aksioneve të kundërshtarëve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat