Llapi - Prishtina në Lipjan

Futboll

Llapi - Prishtina në Lipjan

Më: 9 dhjetor 2021 Në ora: 14:47
Llapi - Prishtina në Lipjan

Komisioni i Garave ka vendosur që ndeshja e xhiros së 18-të në BKT Superligën e Kosovës në futboll, me Llapit dhe Prishtinës, të zhvillohet në stadiumin “Sami Kelmendi” në Lipjan.

Një gjë e tillë është vendosur për shkak të terrenit jo të përshtatshëm për lojë në stadiumin e Merdarit, ku deri më tash i ka zhvilluar ndeshjet si vendase skuadra e Llapit.

Dueli Llapi - Prishtina luhet të shtunën, me fillim në orën 13:00.

Sfida është e një rëndësie të veçantë për të dyja ekipet, pasi si Prishtina, ashtu edhe Llapi e synon pjesën e epërme të tabelës.

Prishtina para këtij takimi ndodhet në pozitën e pestë me 24 pikë, kurse Llapi zë vendin e katërt me 26 sosh.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat