Asensio mungon në finale

Futboll

Asensio mungon në finale

Më: 16 janar 2022 Në ora: 11:53
Asensio mungon në finale

Marco Asensio do të humbasë finalen e Superkupës së Spanjës të Real Madridit kundër Athletic Club të dielën në mbrëmje, pasi vuan nga problemet muskulare që e penguan atë të marrë pjesë në seancën e fundit stërvitore të Los Blancos.

Në vend të Asensios pritet që Rodrygo Goes të vijë në formacion, pasi ishte braziliani që e zëvendësoi gjatë ndeshjes gjysmëfinale kundër Barcelonës.

David Alaba mori pjesë në seancën stërvitore dhe dëshiron të luajë në finalen e Superkupës kundër Athletic, por Carlo Ancelotti nuk dëshiron të rrezikojë me mbrojtësin austriak.

“Ne kemi dy dyshime: Alaba dhe Asensio , dhe do të shohim se si do të bëjnë ata në stërvitje. Nuk do të rrezikoj askënd,” tha Ancelotti gjatë konferencës së tij për shtyp para ndeshjes.

“Nëse Alaba dhe Asensio luajnë, kjo ndodh sepse ata ndihen mirë”, përfundoi ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat