Plas keq te skuadra franceze

Futboll

Plas keq te skuadra franceze

Më: 31 mars 2022 Në ora: 20:00
Plas keq te skuadra franceze

Gjëra të tmerrshme po ndodhin te skuadra e Bordeaux! Sikur mos mjaftonte fakti që skuadra po lëkundet me një këmbë në në kategorinë e dytë, tani skuadra ka edhe probleme të brenshme.

Sipas “RMC Sport”, një futbollist i skuadrës, emri i të cilit nuk bëhet i ditur, ka vjedhur këpucët e shokëve të skuadrës nga dhomat e zhveshjes dhe më pas i ka shitur në internet duke fituar para.

Edhe pse shokët e tij dhe stafi i Bordos u përpoqën të gjenin fajtorin, kjo nuk u arrit por zgjidhja u dha nga një person jashtë skuadrës.

Konkretisht, ish-e dashura e hajdutit të futbollistit ka qenë ajo që e ka zbuluar para skuadrës.

Lojtarët e skuadrës vendosën që bashkëlojtari i tyre të largohej nga klubi, por në fund drejtuesit vendosën ta lënë jashtë për një ndeshje, ndërsa i vendosën një gjobë të rëndë, ku kjo lëvizje u konsiderua veçanërisht “e butë” nga lojtarët e tjerë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat