Fulhami arrin marrëveshje me United për yllin brazilian

Futboll

Fulhami arrin marrëveshje me United për yllin brazilian

Më: 5 korrik 2022 Në ora: 21:23
Andreas Pereira

Të sapo promovuar në Premier Ligë, Fulham, ka rënë dakord për një marrëveshje prej 15 milionë eurosh, përfshirë shtesat, për mesfushorin e Manchester United dhe Brazilit, Andreas Pereira.

Pereira, 26 vjeç, kaloi sezonin e kaluar në huazim te Flamengo dhe tani pritet të nënshkruajë një marrëveshje trevjeçare me Fulhamin.

Ai iu bashkua United në vitin 2012, por nuk arriti të vendoset në ekipin e parë dhe gjithashtu kaloi kohë në huazim te Granada, Valencia dhe Lazio.

Pereira luajti 74 herë në total për “Djajtë e Kuq”, duke regjistruar vetëm katër gola mbi emrin e tij, përcjell KosovaPress.

Transferimi i tij do të ishte i dyti për Fulham gjatë verës që nga promovimi nga Championship, pasi kishte sjellë mesfushorin defansiv të Portugalisë Joao Palhinha nga Sporting Lisbona për 24 milionë euro.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat