Siç raportohet nga gazetari i njohur, Fabrizio Romano, skuadra e Chelseat është shumë afër që t’ia rrëmbejë nga duart Manchester Cityt transferimin e mbrojtësit të Brighton, Marc Cucurella.
Që nga largimi i Oliver Zinchenkos skuadra e Pep Guardiolas është në kërkim të një mbrojtësi të krahut të majtë dhe Cucurella ishte zëvendësimi ideal, por që krerët e Cityt po hezitojnë të paguajnë 50 milionë euro për të.
Kampioni anglez besohet se po ofron vetëm 40 milionë euro, gjë kjo që e ka shtyrë Chelsean të futet në garë dhe të rrëmbejë shërbimet e mbrojtësit spanjoll.
Chelsea tani po e kryeson garën për Cucurellan ku thuhet se ka mbetur vetëm të arrihet akordi i plotë me skuadrën e Brightonit.
