Zvonimir Boban befason: Sa shumë ka ndryshuar Prishtina, por...

Futboll

Zvonimir Boban befason: Sa shumë ka ndryshuar Prishtina, por...

Më: 5 tetor 2022 Në ora: 16:56
Zvonimir Boban

Shefi i futbollit të UEFA-s, Zvonimir Boban, në konferencën për media, ka thënë se infrastruktura sportive në Kosovë qëndron më mirë se Kroacia.

Legjenda kroate e futbollit, tha se është i impresionuar sa shumë ka ndryshuar Prishtina në këto katër vjet.

“Jam shumë i impresionuar sa shumë ka ndryshuar Prishtina në këto katër vjet.

Njerëzit këtu meritojnë të jetojnë më mire. Më duhet të ju uroj të gjithë juve për ndërtimin e kësaj infrastrukture të futbollit”, tha Boban.

Sipas tij, FFK është duke bërë punë të madh në zhvillimin e infrastrukturës sportive.

Sipas Bobanit, Kosova ka futbollistë shumë të mirë.

“Nëse nisemi nga pika e infrastrukturës, jeni më mirë se Kroacia sepse ne nuk e kemi akademinë.

Nuk është lehtë të krahasohet, por këtu federata është duke bërë një punë të madhe.

Nga pikëpamja e futbollit, ju keni futbollistë shumë të mirë. Të gjithë e dinë se lojtarët tuaj janë shumë të mirë”, theksoi Boban.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat