Leo Messi me rekord të ri në Botëror

Futboll

Leo Messi me rekord të ri në Botëror

Më: 4 dhjetor 2022 Në ora: 10:58
Leo Messi

Leo Messi vazhdon me thyerjen e rekordeve edhe në Kampionatin Botëror.

Pasi kaloi Diego Armando Maradonën në fazën e grupeve në ndeshjet e luajtura në një Botëror (me 22 ndeshje), me golin e tij kundër Australisë ai e bëri këtë edhe në gola.

Mbrëmë argjentinasi ishte vendimtar që kombëtarja e tij kaloi tutje në çerekfinale, duke shënuar edhe golin hapës të takimit.

Ishte goli i parë i Messit në një ndeshje kualifikuese për Kupën e Botës dhe gjithashtu i nënti që ai ka shënuar në të gjitha Kupat e Botës, një më shumë se Maradona dhe vetëm një më pak nga Gabriel Batistuta, i cili mban rekordin me 10.

Në total, Messi tashmë ka tre gola në këtë Botëror pasi ka shënuar kundër Arabisë Saudite dhe Polonisë në fazën e grupeve dhe barazohet me golashënuesit më të mirë në këtë kampionat: Gakpo, Mbappe, Valencia, Rashford dhe Morata.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat