Ka mjaftuar një gol i Zhiru që Milani të fitojë supersfidën e javës së 37-të përballë Juventusit dhe të sigurojë matematikisht kualifikimin për edicionin e ardhshëm të Champions League.
Ndërkohë në krahun tjetër u shuan përfundimisht shpresat e “Zonjës së Vjetër”, për të bërë një mrekulli për t’u kualifikuar në edicionin më të rëndësishëm europian vitin e ardhshëm.
Në lidhje me këtë situatë foli edhe trajneri Alegri, që për mikrofonin e “DAZN” pas ndeshjes deklaroi:
“Pas ndeshjes falenderova djemtë sepse kanë bërë një sezon të rëndësishëm, të jashtëzakonshëm.
Duhet ta mbyllim me nder në Udine sepse një sezon si ky nuk i urohet askujt.
Kemi patur shumë vështirësi, problemet me pikët, etj. Nuk kemi për cfarë flasim sonte.
Unë e përsëris që ne kemi bërë 69 pikë.
Energjitë na mbaruan. Sezoni përfundoi kundër Sevijas.
Sonte patëm fillimisht 2-3 raste, por pak kthjelltësi përpara porte. Më pas erdhi goli nga Zhiru, i cili realizoi një gol të bukur.
Duke vlerësuar atë që kemi bërë në fushë, ne do të ishim ende në garë për Champions League”, deklaroi Allegri.
