Nëpërmjet faqes së tyre zyrtare, Bolonja njoftoi ndarjen me trajnerin Tiago Mota, siç edhe pritej për shkak se është raportuar shumë herë javët e fundit.
Trajneri largohet pasi solli skuadrën e Bolonjës deri në Ligën e Kampionëve, një rezultat historik për këtë ekip.
“Këtë mëngjes Tiago Mota i komunikoi klubit qëllimin e tij për të mos rinovuar kontratën me Bolonja FC 1909.
Duke marrë parasysh vendimin, klubi falënderon trajnerin për punën e jashtëzakonshme të bërë dhe i uron atij fat të mirë për pjesën tjetër të karrierës së tij”, njofton Bolonja.
