Pal Dreshaj presidenti i klubit të futbollit Deçiqi nga Tuzi, Pal Dreshaj, skuadra e të cilit u bë kampion i Malit të Zi, për herë të parë në histori, një javë para fundit të kampionatit.
Dreshaj flet për emocionet e titullit të parë historik të skuadrës së Deçiq, pas 98 vitesh histori.
Dreshaj, tha se deri tani ka marrë urime të shumta nga të gjithë shqiptarët, dhe jo vetëm, nëpër gjithë botën.
Ai theksoi për mediumin nga Maqedonia “Open.tv”, se një urim të tillë ende nuk e ka marrë nga kreu i Federatës malazeze të futbollit, Dejan Saviçeviç. Dreshaj bëri me dije se të shtunën në sheshin e Tuzit do të ketë një koncert festiv.
