Skuadra shqiptare patën një javë jo aq të mirë në futbollin e Maqedonisë. Vetëm Renova shënoi fitore, ndërsa Shkëndija e Shkupi dolën duarthatë. Megjithatë, Renova regjistroi fitoren e parë dhe deri më tash nuk ka asnjë humbje. Shkëndija e Tetovës pësoi në derbin e kampionatit. Ata humbën me rezultat 3:0 nga Vardari, në ndeshjen që u zhvilluan në stadiumin ‘Philip II’ në Shkup. Shkëndija duket se më shumë është e ruajtur për takimin e të enjtes që do të takohen me skuadrën belge Gent, në kuadër të play-off-it të Europa Leagues. “Ekipi filloi me dominim dhe humbi disa raste të mira shënimi, ndërsa goli i pësuar sikur preu këmbët futbollistëve që deri në fund dëshpëruan. Ndeshja u përcoll gjithë kohën me sharje dhe ofendime në baza nacionale nga ana e tifozëve të Vardarit”, shkruhet në faqen e skuadrës së Shkëndijës. Golat i shënuan: Gligorov (38’), Balotelli (59’) e Kojasheviq (70’). Futbollisti shqiptar Jasir Asani u paraqit nga minuta e 46-të për Vardarin, skuadër e cila klasifikohet në vend të tretë me 4 pikë, një më shumëse Shkëndija që pozicionohet i gjashti në renditje. Skuadra e Renovës nga Xhepçishti i Tetovës vazhdon pa humbje. Renova me rezultat minimal 1:0 e mposhti Makedonija GP. Futbollisti Murat Adili ishte trim i kësaj fitore. Ai në minutën e 53-të shënoi për triumfin e Renovës, e cila ngjitet në vendin e katërt me 4 pikë, dy më pak se lideri Pelisteri. Ndërkaq, Shkupi si vendas (në Çair) mposhtet me rezultat 1:0 nga Rabotniçki, ky ishte edhe derbi i qytetit. Shqiptari Emir Sahiti u paraqit titullar deri në minutën e 63-të për Rabotniçkin, kurse për skuadrën shqiptare Shkupi nuk ishte dita e tyre, por faktikisht pothuajse edhe të pafat. Ata u mposhtët në saje të një golit që e pësuan në minutën e 28-të nga Najdovski. Tri skuadra shqiptare, një fitore e dy humbje, ky ishte bilanci i javës së dytë.
Liga e Maqedonisë
Pelisteri-Bregallnica 3:0
Renova-Makedonija GP 1:0
Shkupi-Rabotniçki 0:1
Sileks-Pobeda 2:1
Vardari-Shkëndija 3:0
Tabela
1. Pelister 2 2 0 0 6
2. Rabotnicki 2 2 0 0 6
3. Vardar 2 1 1 0 4
4. Renova 2 1 1 0 4
5. Sileks 2 1 0 1 3
6. Shkendija 2 1 0 1 3
7. Shkupi 2 0 1 1 1
8. Bregalnica Stip 2 0 1 1
9. Pobeda 2 0 0 2 0
10. Makedonija GP 2 0 0 2 0