Real Madridi ka dashur që t’ia rrëmbejë rivalit të përjetshëm Barcelonës, mesfushorin kroat Ivan Rakitiç.
Klubi nga Madridi ka tentuar që të përsëriste historinë e transferimit të Luis Figos nga Barcelona te Reali në vitin 2000, i cili vazhdon të konsiderohet si një prej kalimeve më kundërthënëse në historinë e futbollit.
Siç raporton El Mundo Deportivo, ‘Los Blancos’ kanë dashur që të transferojnë Ivan Rakitiçin, por përgjigja e lojtarit ka qenë e prerë dhe negative.
“Jo, faleminderit”, i është përgjigjur reprezentuesi kroat, telefonatës nga drejtori ekzekutiv i Realit.
Rakitiç është pjesë e Barcelonës që nga viti 2014, ku është transferuar nga Sevilla.
