Liga spanjolle synon që audienca e përgjithshme në TV të shkojë në 3 miliardë teleshikues deri në vitin 2018, për të shkuar në nivelin e Premierligës, bëri të ditur sot një drejtues i kampionatit të Spanjës gjatë një konference shtypi në Katar.
Këtë sezon, Liga ka pasur një audience prej 2,1 miliardë teleshikues, sipas Vincente Casado, drejtor i përgjithshëm i zhvillimit ndërkombëtar të La Liga, afro një miliard më shumë se sezonin e fundit.
Një nga arsyet kryesore të kësaj rritjeje, sipas Casado, shpjegohet me faktin e ndryshimeve të orareve të ndeshjeve të Real Madrid dhe FC Barcelona, dy lokomotivat e La Liga-s. Çdo fundjavë, një prej këtyre dy ekipeve ka luajtur të shtunën në mesditë, një orar që terhëq shumë teleshikues aziatikë.
Premierliga me 3 miliardë audiencë, sipas shifrave të publikuara zyrtarisht, është kampionati më i ndjekur në botë.
