Trajneri spanjoll, Luis Enrique ka kontratën me Barcelonën deri në fund të sezonit, ndërkohë që ende nuk ka nisur negociatat për rinovimin e mëtejshëm të kontratës.
Presidenti i klubit, Josep Maria Bartomeu ka deklaruar sot se shumë shpejtë do të nisin kontaktet për te diskutuar vazhdimin e kontratës së teknikut.
“Deri në prillin e ardhshëm ne do të ulemi për të biseduar me trajnerin. Ne dëshirojmë që të vazhdojmë bashkëpunimin me të”, është shprehur Bartomeu.
Ai ka bërë të ditur se klubi i Barcelonës nuk ka menduar për ndonjë trajner tjetër.