Mbrojtësi brazilian do të jetë përforcimi i ‘Zonjës së Vjetër’.
Danilo është vetëm një hap larg transferimit te Juventusi.
Siç shkruan e përditshmja madrilene AS, bardhezinjtë dhe Real Madridi kanë gjetur gjuhën e përbashkët që anësori i djathtë të veshë fanellën e kampionëve të Italisë duke filluar nga sezoni tjetër.
Juventusi do t’i paguajë Realit për kartonin e tij 20 milionë euro, plot 11 milionë euro e gjysmë më pak nga sa Reali i pagoi Portos për ta blerë dy vjet më parë.
Me Danilon Juventusi gjen në këtë mënyrë zëvendësuesin e Dani Alves që sapo zgjidhi kontratën me marrëveshje të dy anshme.
25-vjeçari ka pasur shumë pak hapësira te Reali në këto dy vite dhe është cilësuar si një prej transferimeve më të dobëta që ka bërë presidenti Florentino Perez.