Benjamin Kololli ka vazhduar shkëlqimin e tij në kampionatin zviceran me Lausannen.
Ylli i Përfaqësueses së Kosovës, ka qenë titullar si gjithnjë për skuadrën e tij në udhëtimin e vështirë te Baseli.
Por Lausanne arriti t’i befasojë të gjithë dhe të triumfojë 1-2 në fushën e kampionëve aktual të Zvicrës.
Meritë të madhe për këtë fitore kishte edhe Benjamin Kololli, i cili ka arritur të shënoj një gol të jashtëzakonshëm nga gjuajtja e lirë.
25-vjeçari goditi për mrekulli nga një distancë rreth 25 metra, ndërsa topi shkoi në këndin e djathtë duke barazuar rezultatin përkohësisht.
Goli ndaj Baselit ishte i dyti këtë edicion për Kolollin.
Kujtojmë që në këtë takim për Baselin luajti edhe Taulant Xhaka por pa arritur ta ndihmojë skuadrën e tij të kthehet tek fitorja, pasi në tri ndeshjet e fundit ka grumbulluar vetëm dy pikë.
