Nainggolan është i mërzitur për golin e parë që ia fali mysafirëve, e që sipas belgut – ndikon në rezultatin përfundimtar.
Radja Nainggolan ka përdorur rrjetet sociale për t’iu kërkuar falje tifozëve për gabimin që bëri në gjysmëfinale të Ligës së Kampionëve kundër Liverpoolit, ku Roma fitoi 4-2, por u eliminua me rezultat të përgjithshëm 7-6.
Nainggolan shënoi dy gola për Romën në këtë mbrëmje, por e nisi keq sfidën duke ia dhuruar golin e parë mysafirëve, për të shuar kështu ëndrrën për një tjetër përmbysje historike, si ajo 3-0 kundër Barcelonës.
“Më falni për gabimin që peshon shumë në rezultatin përfundimtar... duhet të shikojmë para”, ka shkruar lojtari në rrjetet sociale.
