Një ditë pas akuzave të shumta në drejtim të tij për gabimin fatal që bëri në dëm të Bajernit, Xhyneit Çakir merret në mbrojtje nga shefi i arbitrave në Turqi.
Jusuf Namoglu ka folur për të, duke thënë se është një arbitër me shumë personalitet në fushën e lojës dhe që vlerësohet shumë nga UEFA dhe FIFA. “Komiteti i arbitrave në UEFA dhe në FIFA janë të kënaqur nga rendimenti i tij i përhershëm. Infantino dhe Kolina besojnë shumë tek ai. Sigurisht që ka shansin e artë që të arbitrojë edhe finalen e Botërorit. Por, unë nuk mund të them asgjë për ndeshjen e tij të fundit. Atë e ka parë gjithë bota, ashtu siç e ka parë edhe Masimo Busaka në Komitetin e UEFA-s dhe FIFA-s”, thotë Namoglu.
