“Deri më sot, Mesut nuk më ka telefonuar. Nuk ka folur me mua!” Kështu ka thënë trajneri i kombëtares gjermane, Joachim Low, gjatë një konference për shtyp në Mynih të Bavarisë, duke folur për herë të parë në lidhje me vendimin e Ozil për t’i dhënë lamtumirën kombëtares gjermane.
“Ai ka marrë vendimin e tij dhe unë duhet ta pranoj, – vazhdoi trajneri. – Pranoj se nënvlerësuam shumë impaktin që do të kishte rasti Ozil në shtyp sepse ishim të përqendruar te Botërorit.”
Më pas, “timonieri” i Gjermanisë shtoi: “Me akuzat për racizëm Mesut i komplikoi shumë gjërat . Nuk ka pasur kurrë akuza apo deklarata raciste në ekipin tonë dhe ai e di mirë. E ekzagjeroi me atë që tha. Na dëmtoi ne, por dëmtoi edhe veten e tij.”
