Ish-presidenti i Interit nuk dëshiron të marrë një rol kaq të rëndësishëm. Massimo Moratti nuk do të jetë presidenti i ri i Federatës Italiane të Futbollit.
Ish-numri një i Interit ka refuzuar kategorikisht ofertën që i kanë bërë presidentët e klubeve të Serie A.
Moratti ishte kandidatura e përzgjedhur nga liga italiane e futbollit por me refuzimin e tij, tashmë Agnelli, Preciozi dhe të tjerët duhet të propozojnë një tjetër për të qenë kandidaturë për marrjen e drejtimit të Federatës Italiane të Futbollit.
Moratti nuk ishte bindur për të bërë një zgjedhje të tillë dhe në fund vendosi të lërë thatë presidentët e klubeve të Serie A të cilët e shikonin si një opsion të shkëlqyer ish presidentin e Interit për drejtimin e Federatës pas largimit të Tavecchios.