Histori vërtetë të trishta! - Bota Sot
Histori vërtetë të trishta!

Futboll

Histori vërtetë të trishta!

Më: 17 tetor 2018 Në ora: 17:38
Franca

Histori vërtetë të trishta! Fëmijë që braktisen, prindër që largohen pa thënë asgjë, derisa sa bëhen të huaj për njëri-tjetrin. Por kur bëhet fjalë për një kampion bote, një gjë e tillë duket paksa e vështirë për ta besuar. Në raste të tilla, kemi dëgjuar që prindër të cilët kanë mësuar se fëmija i tyre është bërë i famshëm, rikthehen, sepse janë penduar ose edhe thjesht për përfitime ekonomike. Por ky nuk është rasti i Lucas Hernandez. Për mbrojtësin e Francës dhe Atletico Madrid, as Kupa e Botës nuk ishte e mjaftueshme për ta bashkuar me familjen.

Lucas Hernandez dhe vëllai i tij Theo, i cili është në pronësi të Real Madridit janë fëmijët e Jean-François, një ish futbollist i cili gjithashtu ka luajtur për Atleticon. Dy fëmijët kanë lindur në Marsejë, por u rritën në kryeqytetin spanjoll. Në një rrëfim për “Le Parisien”, Lucas tregon se prej më shumë se një dekade nuk di asgjë për babanë e tij. “Nuk kam dëgjuar për të që kur kam qenë 12 ose 13 vjeç. Nuk kam pasur lajme nga ai edhe pasi kam fituar Kupën e Botës”.

Një baba që nuk kërkon falje për lehtësi, apo për të shfrytëzuar famën e fëmijëve të tij; asgjë. Edhe për ata fëmijë që kanë pasur gjithçka nga jeta, braktisja nga prindërit në moshë të hershme, mbetet një plagë e hapur dhe që nuk pushon së rrjedhuri gjak. Tani që Hernandez është baba, tregon se nuk e koncepton dot të braktisë fëmijën e tij, për asnjë lloj motivi. “Tani që jam një baba, unë jam më i vetëdijshëm për atë që ka bërë, për faktin se ai ka dështuar totalisht në detyrat e tij si prind. Dhe nesër, nëse do ta takoj, do të flasim për këtë. Por një gjë është e sigurt, as nuk mund të imagjinoj të heq dorë nga djali im, nuk do ta bëja kurrë, për asgjë në botë".

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...