Mateo Kovacic ka filluar për mrekulli sezonin e ri në Premierligë.
Ai po paraqitet në mënyrë fenomenale me skuadrën e Chelsea, ku erdhi si huazim nga Real Madridi,
Kroati nuk arriti të siguronte vend startues në formacionin e spanjollëve, megjithatë në Chelsea, është i rëndësishëm për planet e Sarrit.
Megjithëse është i kënaqur me startin e sezonit, ai mendon se është herët të flitet për një largim nga Real Madridi.
“Është shumë herët për këso përgjigjesh. Jam këtu dhe jam shumë i lumtur” ka thënë Kovacic për “Evening Standard”.
“Të luash rregullisht është ndjenjë e mirë. Nuk jam mësuar të luaj çdo tri apo katër ndeshje dhe këtu futbolli është shumë i fortë” ka vazhduar kroati.
Ai ka thënë se edhe familja e tij po e shijon jetën në Londër, megjithatë nuk ka dhënë përgjigje definitive për të ardhmen e tij.
