Vrasja në Gjilan, prokuroria kërkon paraburgim - Bota Sot
Vrasja në Gjilan, prokuroria kërkon paraburgim

Gjilani

E diel, 18 nëntor 2018

Vrasja në Gjilan, prokuroria kërkon paraburgim

Më: 30 korrik 2018 Në ora: 11:23
Ilustrim

Prokuroria e shtetit ka kërkuar caktimin e masës së paraburgimit për Liridon Uruqin  lidhur me incidentin e vrasjes në Bresac të Gjilanit.

Seanca në të cilën kërkesa e prokurorisë do trajtohet është caktuar për sot në orën 13 e 30 në Gjykatën Themelore të Gjilanit. Lajmi është konfirmuar nga zëdhënësi i gjykatës Sabit Shkodra.

Pak para mesnatës së mbrëmshme, 21-vjeçari me inicialet F.A. është qëlluar për vdekje nga një person, emrin e të cilit e ka zbuluar Prokuroria – Liridon Uruqi.

Kallxo ka kontaktuar me prokurorin e rastit, Agron Uka, i cili ka dhënë detaje në lidhje me arrestimin dhe intervistimin e të dyshuarve.

“Nuk po mundemi ende me zbulu shkakun se pse ka ndodhë. Deri më tani është arrestuar vëllai dhe i dyshuari kryesor Liridon Uruqi. Jemi duke e bërë kërkesën për caktim të paraburgimit të të dyshuarit. Mund të ju them se i dyshuari e ka pranuar veprën në tërësi”, tha Uka.

Sipas prokurorit Uka, Policia dhe Prokuroria kanë vepruar menjëherë dhe nuk kanë lënë që dëshmitarët të bashkëveprojnë për të ndryshuar rrethanat e ngjarjes.

“Dëshmitari ka thënë se e gjitha ka ndodhur aksidentalisht por ne duhet të analizojmë situatën, se pse i dyshuari ka pasur armë me vete, si ka ardhur rasti deri te shkrepja e armës”, tha Uka më tutje.

Tutje, prokurori Uka ka treguar  se të dyshuarit, gjithsej 3, njëri nga ta ishte arrestuar në fillim ndërsa të tjerët kanë tentuar ta inskenojnë ngjarjen kinse 21 vjeçari ka bërë vetëvrasje.

“Po në fillim kanë tentuar që ta inskenojnë ngjarjen por fati ynë dhe shpejtësia e Policisë dhe Prokurorisë kemi arritur që mos me i lanë me bashkëpunu. Arma është shkrepur prej 3-4 metra dhe është qëlluar në zemër. Viktima ka shkuar në spital pa shenja jete”, tha Uka.

I dysuari e ka qëlluar 21-vjeçarin me revole të tipit TT 7.62mm.

Prokurori Uka tregoi edhe se Liridon Uruqi i dyshuari ka një dosje të gjerë kriminale. “Liridon Uruqi ka dosje kriminale, për vrasje në tentative është i dënuar me dy vjet efektiv. Ngjarja ka ndodhur vitin e kaluar. Ka një të kaluar shumë të gjerë kriminale i dyshuari”, tha Uka.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test