Bizneset e Pallatit të Rinisë me probleme të mëdha të të bërit biznes - Bota Sot
Bizneset e Pallatit të Rinisë me probleme të mëdha të të bërit biznes

Biznes

Bizneset e Pallatit të Rinisë me probleme të mëdha të të bërit biznes

Më: 7 mars 2019 Në ora: 17:54
Pamje nga takimi

Përfaqësues të Odës së Afarizmit të Kosovës (OAK) gjatë një takimi sot me ushtruesin e detyrës së drejtorit të Pallatit të Rinisë Ilir Dugolli, kanë biseduar lidhur me problemet e bizneseve të Pallatit të Rinisë, me theks të veçantë afati i shkurtë i kontratave të qirasë me bizneset, kushtet infrastrukturore dhe keq menaxhimi i deritanishëm nga AKP-ja.

Me këtë rast, kryetari i Bordit të OAK-së Skënder Krasniqi adresoi shumë probleme të identifikuara nga OAK gjatë takimeve me bizneset e Pallatit të Rinisë, ndër të cilat janë kontratat afat shkurtër të qirasë, duke i pamundësuar investimet nga ana e bizneseve, menaxhimi jo i mirë i deritashëm, mungesa e sigurimit, ishin disa nga çështjet që preokupojnë më shumë këto biznese.

Ai tha se bizneset e Pallatit të Rinisë i janë bashkuar OAK-së me qëllim që bashkërisht të kontribuojnë në përmirësimin e sfidave me të cilat po përballen, andaj tash e tutje OAK do të jetë përfaqësues zyrtar i këtyre bizneseve tek institucionet.

Të pranishëm në takim ishin edhe përfaqësues të bizneseve, të cilat kishin rastin që të adresojnë shqetësimet e tyre.

Shkelzen Domi, pronar i biznesit Gently, theksoi se bashkëpunimi ndërmjet bizneseve dhe menaxhmentit të Pallatit të Rinisë është shumë i rëndësishëm dhe se pret që të konsiderojnë njëri – tjetrin partner.

Sipas tij, problemi kryesor me të cilin po përballen bizneset e Pallatit të Rinisë janë kontratat e qirasë me afat shumë të limituar, duke theksuar që ndërmarrja e hapave për ndryshim është e domosdoshme, pasi një gjë e tillë po e bënë të pamundur investimin nga ana e bizneseve për shkak të pasigurisë që ata kanë.

Dugolli përgëzoi OAK-në për lobimin e zgjidhjes së problemeve në mënyra zyrtare, duke shtuar që edhe përfaqësuesit e Pallatit të Rinisë janë të interesuar për bashkëpunim.

Ai shtoi se problemet e Pallatit të Rinisë janë të trashëguara nga AKP-ja dhe  shpresojnë që në një periudhë të shkurtë kohore të bëhet përmirësimi i situatës ekzistuese.

“Pallati ka qenë një nga pikat më atraktive në qytet dhe i tillë dëshirojmë të vazhdoj, për këtë arsye Oda e Afarizmit të Kosovës po vazhdon të lobojë në eliminimin e problemeve të tyre”, tha anëtari i bordit Hyzni Zogaj.

Të dyja palët u dakorduan për një takim të radhës të përbashkët me Bordin e Pallatit të Rinisë, me qëllim të bashkëpunimit në përmirësim të situatës ekzistuese.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...