A është me të vërtetë gjalpi i kakaos parandalues i shenjave të strijave?

Këshilla mjekësore

A është me të vërtetë gjalpi i kakaos parandalues i shenjave të strijave?

Më: 17 korrik 2022 Në ora: 08:54
Foto ilustrim

Për vite me radhë, strijat janë shndërruar në makthin e grave, të cilat kanë bërë të gjitha përpjekjet e mundshme për të shmangur shfaqjen e tyre sidomos gjatë shtatëzanisë. Megjithatë, shtatzënia nuk është hera e vetme që shfaqen strijat. Ato mund të shfaqen sa herë që lëkura shtriqet në një kohë relativisht të shpejtë, si gjatë pubertetit ose shtimit në peshë.

Lajmi i mirë është se strijat nuk janë të dëmshme ose të rrezikshme nga ana mjekësore. Megjithatë, shumë njerëz nuk i pëlqejnë dhe bëjnë gjithçka që munden për të parandaluar shfaqjen e tyre.

Një parandalues popullor është gjalpi i kakaos, por a funksionon vërtet?

Përdorimi i gjalpit të kakaos në zonat e prirura ndaj strijave do të hidratonte lëkurën tuaj. Kjo mund të ndihmojë gjatë shfaqjes së strijave, pasi ato nisin të kruhen. Ideja është gjithashtu që nëse jeni duke e hidratuar lëkurën tuaj, mund të parandaloni strijat krejtësisht, por nuk është aq e thjeshtë.

Megjithëse shumë betohen se gjalpi i kakaos i mban larg shenjat e shtrirjes, sipas “WebMD”, nuk ka prova të mjaftueshme që përdorimi i gjalpit ndihmon në parandalimin ose trajtimin e strijave. Mund të ndihmojë lëkurën tuaj të ndjehet më e ushqyer. Është mirë të mbani mend se strijat nuk janë asgjë për t’u turpëruar, të gjithë i kanë ato.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat